كانادانىڭ كۆەبەك قالاسىندا وتكەن حالىقارالىق Quebec International Pee-Wee Hockey Tournament 2026 دوداسىندا Astana Team كومانداسى AA Elites ديۆيزيونىنىڭ التىن تۇعىرىنان كورىنىپ, ەل مەرەيىن ۇستەم ەتتى, دەپ حابارلايدى Egemen.kz.
2013 جىلى تۋعان جاس جەتكىنشەكتەردەن قۇرالعان وتانداستارىمىز توپتىق كەزەڭدەگى بارلىق كەزدەسۋدە جەڭىسكە جەتىپ, پلەي-وفف ساتىسىنا نىق قادام باستى. شيرەك فينالدا ايدىن يەلەرى – Quebec Nordiques ۇجىمىن 3:1 ەسەبىمەن قاپى قالدىرسا, جارتىلاي فينالدا Quebec Remparts كلۋبىنان 2:1 ەسەبىمەن باسىم ءتۇستى. ال شەشۋشى فينالدىق ايقاستا Noir d'Or des Montagnes كومانداسىمەن كەزدەسىپ, تارتىستى وتكەن ماتچتا بۋلليت سەرياسى بويىنشا 4:3 ەسەبىمەن جەڭىسكە جەتىپ, ءتۋرنيردىڭ باس جۇلدەسىن يەلەندى.
ايتا كەتەرلىگى, Astana Team ساپىندا ەلوردالىق «استانا», «يۋنوست» كلۋبتارىمەن قاتار, وسكەمەننىڭ «تورپەدو», الماتىنىڭ «تايگەرس» جانە «ميحايلوۆ اكادەمياسىنىڭ» تاربيەلەنۋشىلەرى دە ونەر كورسەتتى. بۇل – ءبىزدىڭ قۇرامانىڭ اتالعان توپتاعى ەكىنشى جۇلدەسى: وتكەن جىلى وتانداستارىمىز ءدال وسى ساناتتا كۇمىس مەدال ەنشىلەگەن بولاتىن.
مەملەكەت باسشىسى Astana Team بالالار حوككەي كومانداسىن جەڭىسكە جەتۋىمەن قۇتتىقتادى
ەسكە سالا كەتەيىك, 1960 جىلدان بەرى ۇيىمداستىرىلىپ كەلە جاتقان بۇل تۋرنير بالالار حوككەيى الەمىندەگى ەڭ بەدەلدى باسەكە سانالادى. AA Elites ديۆيزيونىنداعى بۇل جەڭىس قازاقستاندىق كومانداعا كەلەر جىلى ەڭ جوعارعى – ااا ديۆيزيونىنا كوتەرىلۋگە مۇمكىندىك بەرەدى. سوڭعى شەشىمدى ءتۋرنيردىڭ ۇيىمداستىرۋ كوميتەتى قابىلدايدى. قازاقستاندىق جاسوسپىرىمدەر بۇل دەڭگەيگە 2024 جىلى فرانتسيادا وتكەن ىرىكتەۋ تۋرنيرىندەگى جەڭىستەرىنىڭ ارقاسىندا كوتەرىلگەن ەدى.